NASKAH
ABEN TRAMPIL MAOS GEGURITAN
MGMP
BAHASA JAWA SMA/SMK/MA KABUPATEN GROBOGAN 2013
(1)
BIYUNG NDIKA...
Dening Mbah Brintik
Biyung...
Aku wus bisa ngunggahi
Sepira dhuwure arga
Aku uga wus njajagi,
Sepira jerone samodra
Aku uga wus kemput nggonku ngukur,
Sepira dawane marga?
Nanging biyung,
Sih
trisnamu kang ndika ilekake
Saranduning
ragaku,
Binarung
ilining ludira
Wiwit
bayi tumekane diwasa,
Mung
bisa kaukur nganggo rasa
Biyung.....
Saiki, aku wus bisa muwar
Bisa dhigar ing alam gumelar
Nanging, aku ora kuwagang ngukur,
Sepira dhuwure?
Sepira jerone?
Sepira dawane sih katrisnanmu?
Wus ndika suntak glogoookkk....
Tanpa nyisa, tanpa bebana
Kebeh mung kanggo aku.....
Biyung......
Naluriku
wus tinarbuka
Yen
ndika pancen dalane swargaku....
(2)
AJA NGONO
Dening Eko Purnomo
Cublak-cublak suweng wus meneng
Jamuran, jaranan kari gegambaran
Menthog-menthog arang dinelok
Trenyuh ati iki,
Eling rikala ndalu wingi
Wulan ndadari kabeh kanca metu
bengi
Bebarengan.....
Yo
prakanca dolanan ing jaba
Padhang
mbulan padhange kaya rina
Jebul
mung ngimpi?
Saiki jamane ngaleh
Globalisasi.... globalisasi....
Aja waton nuruti, kaki?
Kudu duwe ati kang premati
Dredah....!
Polah tingkah saya ora genah
Busana saya munggah, jare lumrah?
Unggah-ungguh marakake trenyuh
Budi pekerti ngiris ati
Apa impenku bisa bali?
(3)
JAMAN KALABENDU
Dening M Abdullah Faqih
Ing tengah wengi,
Cahyane rembulan kang cemlorot
Manungsa sing wis melu owahe
jaman
Kang padha rame-rame,
Ngumpul ing lampu
kerlap-kerlip?
Vodka kang dadi
ombene,
Sabu-sabu sing
dadi camilane
Apa bener?
Iki sing jenenge globalisasi?
Wong sing padha lali marang bebener
Budaya kearifan sing padha
ditinggalna
Wong wadon nganggo bikini,
Ing pawiyatan dianggep lumrah
Gusti...Gusti...??
Lakune manungsa
ing jagading pewayangan,
Wis padha salah
kaprah
Praupane manungsa,
Nanging lelakone
kaya kewan!
Akeh Fir’aun,
Khorun, Abu Jahal, lan Hitler
Sing padha lair
ing Jaman Kalabendu
Gusti Kang Maha Welas Asih.....
Punapa menika ingkang diarani Jaman
Kalabendu?
Manungsa ingkang kesupen,
Marang dhawuhe nur Muhammad?
Iki dudu jaman
kemajuan....??
Nanging Jaman Jahiliyah....??
Gusti....Gusti....*
(4)
SIDANE
MATI TENAN
Dening Pablo
Wijayaning Warsito
Sidane mati
tenan..
Merga urip wis ora
ketulungan
Kaya-kaya pancen
ora antuk pitulungan
Malah-malah mung
digawe dolanan
Sidane mati tenan...
Sing neng kana padha gegojegan
Sengkut mikir babagan kadonyan
Nuju tuhu endahe kamulyan
Wis kebacut ora eling liyan
Mung wae sok-sok nulung, yen wayah
arep pilihan
Sidane mati
tenan...
Nanging pancen ora
bisa nyalahake ndhuwuran
Godhong ringin wis
nyebar awut-awutan
Krenyepe lintang
sing sumunar wanci awan
Sapi-sapi padha
lumaku ngetan,
Kamangka, kulon
nyata-nyatane dalan kabecikan
Dalan sing nuju
endahe kamulyan
Sidane mati tenan...
Merga wis padha lali karo piwulangan
Merga wis padha seneng ngrangkul
larangan
Apus krama kanggo nyandhing kamulyan
Sidane mati
tenan...
Ora dhuwuran ora
ngisoran
Wis ora bisa
nyawiji sak setelan
Kaya dene busanane
Pangeran
Nalika jaman
durung edan?*