PARIKAN

nggawa takir isi gule, mangan kupat lawuh babat
aja mikir awake dhewe, delengen rakyat kang mlarat

jam papat wis nyumet kompor, nyumet kompor masak sarapan
dadi pejabat ja dadi koruptor, dadi koruptor golek suapan

kursi goyang sikile papat
nek berjuang ja golek pangkat

numpak dhelman nang Betawi
nek berjuang kudu wani mati

dalan sepur dilumpati
pengin makmur ja korupsi

kicak jenang jahe
krasa penak meneng wae

enteng-enteng omah rayap
nangis ngereng njaluk ijab

dalan sepur dilumpati
ajur mumur dilakoni

Walang kekek menclok ning tenggok,mabur maneh menclok ning pari
aja ngenyek karo wong wedok, yen ditinggal lunga setengah mati

Omah gendheng tak saponane
abot entheng tak lakonane

Walang abang menclok ning kara, walang biru walange putih
bujang maneh ora ngluyura, sing wis nduwe putu wae ra tau mulih

Andheng-andheng ana pilingan
aja dipandeng mundhak kelingan

Walang ireng mabur mbrengengeng, walang ireng dawa suthange
yen dha seneng aja mung mandeng, golekana endi omahe

Bisa nggambang ora bisa nyuling
bisa nyawang ora bisa nyandhing

Mikul suket dientul-entul
senenge banget nanging ora bisa kumpul

theklek kecemplung kalen
timbang golek luwung balen

abang-abang ora legi
tiwas magang ora dadi

andheng-andheng ngisor lambe
tiwas mandeng wis ana sing nduwe

awan2 tuku brambang
ana prawan klambiné abang

wedang bubuk, gula jawa,
yen Kepethuk atiné lega

esuk nyuling sore nyuling, sulinge arék suroboyo,
esuk éling soré éling sing diéling ora rumangsa.

suwé ora jamu, jamu godhong téla,
suwé ora ketemu ketemu pisan gawé gela 

PARIKAN ALA JOGJA 

 Tuku Wedhus, oleh asu 

Aku Bagus, Kowe Ayu 

Golek Tikus, Entuk aSU 

Yen tak Elus, Ojo nesu

Numpak gethek karo mlayu

simbah elek ora payu-payu

Anak tekek mangan gandum

Simbah elek harap maklum

Ono sapi senenge abang

Ojo lali ngambungi kembang

Uler kambang dipangan terwelu

Nek ngambung kembang aku melu

jenang gulo warnane abang

najan rondho sing penting kembang

Abang abang gendero londho Wetan sithik kuburan mayit Klambi abang nggo tondo moto Wedak pupur nggo golek dhuwit

Mlaku mlaku tuku ketan

Ayu ayu kok brengosan

dolan mengetan, dioyak macan

najan brengosan, tapi menawan

jare dhingklik jebule cethok

jare ndhelik jambule kethok

eyang Durno, asli sokolimo

kembang teko, ojo podho lungo

nang tengah alas sangu bakso ana bakso kok di cucuki paku

Wis jam rolas, wayahe padha ngaso ayo ngaso mangan bareng karo aku

tindak ngetan bali ngulon

numpak sedhan nganggo blangkon

angkutan umum dadi becax

mbiyen premium saiki pertamax

wong luwe ora kongang ngadeg

Wis suwe ora mangan gudheg

Awan-awan mangan gethuk

bubar mangan kok ngantuk

saben dina sangu rantangan isine rantang katon methuthuk

Aku pancen bubar mangan ning ora mangan gethuk

Ono Teklek kejegur kalen...

Tinimbang nggolek mendingan balen...

Pit Abang Pite mas Mantri

Nek ngesun Kembang aku ya ngantri

Bude teko nggowo bolu...

Ngakune joko anake telu

mangan jadah, enteke telu

najan simbah, adhi kelasmu

mangan bakwan anget-anget dipangan karo lombok abang

awan-awan kok adus kringet luwih penak yen di dus i kembang

kembang mlati kembang kenongo

ojo ganti, mengko gelo

dondong opo salak duku cilik cilik

ngandong opo mbecak mlaku timik timik

Bekicot nempel katok

Nyocot thok

Ndelok Monas seko Tugu

Ben ra panas jejer aku

Wit Gedang Awoh Pakel

Omong Gampang Nglakoni Angel

wit Pakel kesrempet bis kota

najan angel tetep usaha

Nyangking Ember Kiwo-Tengen

Lungguh Jejer Tombo Kangen

Mlayu-mlayu neng plataran

Snajan ayu ning geleman

tuku sate, lali mbayar

ajar nggawe kanthi sabar

jenang glali gulane jowo

aja lali basane Jowo

endog bosok aja di untal aja di buwang nang plataran

Lha mosok iya tak pancal padhakna aku iki jaran

Malem Jum'at tuku cambah

Urip mlarat ojo susah

Malem Setu mangan rujak

ngguya ngguyu kroso penak

Pak Slamet nandur wit kecipir bubar nandur tumuli adus sirah mumet mergo kakehan pikir dudu amargo mangan wedhus

nabuh kendang ojo waton

tiwas nggadang, kok ra klakon

Nabuh kendang nganti jebol

pengin gedhang, kleru jengkol

Nabuh kendhang ngundang garong

Njupuk gedhag lha kok kleru terong

Mangan gethuk nganggo garpu

yen sampiyan ngantuk yo sumonggo turu...

Iwak lele iwak mas Iwak'e tibo dirubung laler

 Turu yo turu mass Mung Ojo disambi ngiler

Nggudak Wedus Nabrak watu

Ngaku ngaku Bagus Mung ra payu payu.....

Nggudhak wedus ngidek tletong

Percuma bagus, yen dompete kosong

midak telek nganti kesemuten

merem melek merga klilipen