Wawanrembug
Wektu
iki Bambang arep nindaake wawancara karo Pak Joko sing pagaweane ngingu pitik
pedaging. Sauwise dibukakke lawang dening Bu Joko, dhewekke dikon mlebu lungguh
ing kursi, ngenteni Pak Joko sing isih ning buri. Ora let suwe, Pak Joko metu
nemoni.
Bambang : (Ngadeg) “Sugeng ndalu Pak.”(nyalami)
Pak Joko : “E.. Wilujeng ndalu.
Ayo lungguh kene."
Bambang
: "Nggih.” (nyedhak)
Bambang :
“Saweg ngaso Pak?”
Pak
Joko : “Iyo mas, wong sedina ra leren
kok mas.”
Bambang : “Nggih pak, wingi-wingi kula ajeng sowan
mriki kadosipun panjenengan kok nggih mboten wonten selanipun.”
Pak
Joko : "A... ora popo. Aku ki
malah seneng hlo, nek dho gelem dolan-dolan rene.”
Bambang : “Nggih pak.”
Pak
Joko : “Hla iki mau saka ngomah apa
mampir saka ngendi?”
Bambang : “Saking griya Pak,...”
Pak
Joko :
“O..”
Bambang : “sowan kula mriki badhe nyuwun wekdalipun,
kagem wawancara.”
Pak Joko : “Wawancarai aku?”
Bambang : "Nggih Pak."
Pak Joko : "Bab pitik ta?"
Bambang : “Nggih Pak.”
Pak
Joko : “Nek bab perpitikan aku isoh,
ning nek liyane yo ra isoh....he he he....”
Bambang : “Nggih bab ayam ngoten Pak.” (mesem)
(Bu Joko metu nyuguh wedang karo gedhang
goreng anget)
Bambang : “Wah, sampun repot-repot Bu?”
Bu
Joko : “Namung antah kok mas.” (nyelehke wedang lan panganan banjur mlebu)
Pak
Joko : “Ayo mas dibukak mas.”
Bambang : (Mbukak
tutup gelas)”Nggih Pak.”
Pak
Joko : “Hah, ki hlo, gedhang gorengge
anget. Ayo diicipi.”
Bambang : “Nggih Pak.”
(dho mangan gedhang goreng lan ngombe)
Pak
Joko : “Piye mau?”
Bambang : “Ngeten pak, anggenipun ngingah ayam
pedaging menika mulabukanipun kados pundi Pak?”
Pak
Joko : “Critane dawa mas. Nalika aku isih
enom, kira-kira taun 90-an, aku golek gawean mranaa-mrene durung ana sing
nyanthol. Hla, karo golek-golek wawasan, kira-kira usaha apa sing mathuk kanggo
ngisi wektu timbang nganggur. Hla terus, aku ngerti yen kebutuhan pitik
pedaging sansaya mundhak...”
Bambang : “Hmmm.“
Pak
Joko : “... terus, aku takok-takok,
maca buku-buku carane ternak. Hla terus aku nyoba ngingu rongatus.”
Bambang : “Saget berhasil Pak?”
Pak
Joko : “Mati kabeh mas! Yo isih enek
sing kenek didol ning mung selawenan, kuwi wae jane etungane durung wanci
panen.”
Bambang : “Hla, lajeng pripun Pak?”
Pak
Joko : “Wuaaaah, yo rugi gedhen mas.
Ning aku ora kapok! Aku malah duwe tekad, aku kudu isoh.”
Bambang : “Wah..., malah semangat nggih Pak?”
Pak
Joko : “Tenan mas. Tak pelajari apa
masalahe.”
Bambang : “Jalaranipun
menapa Pak?”
Pak
Joko : “Bareng tak teliti, akeh banget
masalahe mas. Wiwit panggonane sing kurang resik, sebabe panggonane durung
taksiapke kanggo kandhang sing apik. Wong mung ning omahe Bapakku sing mburi
ngono tak singget, tak resiki, jogane
plesterane ora rata, dadine olehe ngresiki telek angel. “
Bambang : “Mmmm..”
Pak
Joko : “Durung meneh perawatane
obat-obat vaksin kuwi durung pati mudheng, dadi yo ngerti-ngerti dho piler,
ngantuk. Esuk ngono ngerti-ngerti wis dho mati.”
Bambang : “Ooo..”
Pak
Joko : “Yo wis akhire wiwit neh saka nol.
Kandhange tak siapke sing apik. Pakane tak gatekke tenanan, vitamin, vaksin,
semprot, wis pokoke tak gatekke tenanan.”
Bambang : “Hlo, kok ngangge semprot napa Pak?”
Pak
Joko : “We..., iyo mas. Dadi, kandhange
kuwi disemprot karo disinfektan supaya ora enek bakteri, jamur, virus..., hla..
dadine pitike aman saka penyakit.”
Bambang : “Mmmm. Lajeng, ternakipun samenika saget
ageng menika ayamipun pinten Pak?”
Pak
Joko : “Nek saiki Alhamdulillah jumlahe
kurang luwih telungewu limangatus.”
Bambang : “Wah kathah sanget nggih Pak?”
Pak
Joko : “Yo... tambah sithik-sithik mas,
isoh gawe kandhang sing rada gedhe ning etan desa kae, nganti saiki.”
Bambang : “Lajeng pemasaranipun dumugi pundi Pak?”
Pak
Joko : “Nek biyen paling mung pasar
lokal kene wae, nek saiki sekitar Sragen, Solo, Wonogiri, malah diparani bakul saka Suraboyo barang.”
Bambang
: “Wah..., dugi pundi-pundi Pak nggih?”
Pak
Joko : “Iyo..”
Bambang : “Wah
mboten kraos pun dalu Pak, matur nuwun sanget katranganipun.”
Pak
Joko : “Yo podho-podho. Ayo diombe sik,
wah... malah lali to wedange, ayo gedhange disambi.”
Bambang : “Nggih...”
Sawise
cukup banjur pamit.
Tidak ada komentar:
Posting Komentar