Dewi shinta wis kelakon diculik dening
prapu rahwana/ dasamuka ing kraton ngalengkadiraja, banjur dipapanake ing taman
kaputren, dewi shinta ora doyan mangan lan ngombe nganti awakke kuru aking,
rambute gimbal diore amarga suwe ora adus. Kabeh mau amarga supaya rahwana
wegah nyedhaki dheweke. Kanggo njaga kaslametane dewi sintha nggegem cundrik/
keris cilik. Dadi samangsa-mangsa prabu rahwana teka arep ngrudapeksa, dheweke
banjur ngancem arep ngayut tuwuh utawa nglalu.
Ing taman amung dewi tri jatha sing bisa
ngereh reh lan mbujuk dewi shinta supaya gelem mangan. Dewi tri jatha ayu rupa
lan budine, beda karo putri kraton liyane sing tumindake kasar marang dewi
shinta. Umpama ora ana tri jatha dewi sinta mesthi wis mati suduk sarira, tri
jatha kasil ngereh-reh supaya ora nglalu.
Sawetara kuwi Sri rama wijaya diangkat dadi
ratu ing kraton guwa kiskendha ngratoni bangsane kethek, Sugriwa lan
wadyabalane.
Sawijining dina, sri rama wijaya kirim
utusan kethek putih sing aran anoman. Anoman diutus sri rama wijaya supaya
golek sisik melik/ kabar ing ngendi lan piye kahanane dewi Shinta.
Tekan kraton alengka, anoman njujug
taman kaputren. Ing kono dhewekke kelakon nemoni dewi shinta lan trijatha.
Anoman banjur ngaturake ali-aline sri rama marang dewi shinta. Sawise mangerteni
kahanane dewi shinta, lan kekuwatane prajurit ngalengka diraja, anoman banjur
bali.
Nanging anoman konangan
prjurit ngalengko banjur dirangket digawa menyang ngarsane prabu rahwana.
Dening prabu, anoman diukum obong ing alun-alun. Nanging anoman kuwi kethek
kang sekti ora mempan diobong. Nalika diobong anoman mencolot menyang dhuwur
empyak kraton gawa geni mbulat-mbulat. Wusanane kraton ngalengka kobong kabeh
dadi segara geni. Prabu dasamuka nesu lan mrentahake prajurit ngalengka supaya
nyekel anoman. Nanging anoman wis kasil lolos lan bali atur palapuran marang
sri rama wijaya.
Tidak ada komentar:
Posting Komentar