Wektu semana ing dalem
padhepokan sokalima, resi dorna kelingan marang brantasena kang laire
bungkusan, kang bisa maujudake brantasena kang duweni kekuwatan sing kuwat lan
gagah prakosa. Resi dorna ngutus wekudara/ brantasena, yen dheweke kudu nggoleki
kayu gung susuhing angin ing alas purwa. Brantasena tanpa tidha-tidha banjur
budhal njaluk pangestu marang resi dorna.
Wektu semana uga sengkuni ana
ing kono, lan krungu pangandikane resi durna marnaqg brantasena. Sengkuni takon
marang resi dorna babagan apa sing dirembug. Resi dorna mangsuli marang
sengkuni yen dheweke ngutus bratasena goleki kayu gung susuhing angin kanggo nyilakani brantasena.
Sawise mlebu alas gedhe gung
liwang-liwung lan ngadhepi kewan maneka warna, bratasena akhire tekan panggonan
kang dingendikaake guru dorna. Nanging dheweke ora ketemu kaya sing dikarepake.
Gandheng sing digoleki oran ana, werkudara banjur ngamuk. Alas gedhe diobrak-abrik.
Kadadean iki gawe buta cacah loro arane buta rukmuka lan rumakala keganggu, banjur
perang karo bratasena. Buta loro kalah, banjur malih rupa dadi bathara indra
lan bathara bayu. Bathara loro mau banget anggone maturnuwun marang bratasena.
Banjur bratasena takon apa
sebabe bathara indra lan bathara bayu dadi raseksa. Bathraa menehi wangsulan, menawa
barang kang ala bisa dikalahake dening niyat kang iklas lan donga marang kang
maha kuwasa. Minangka panuwune, bathara
indra menehi cincin sesotyamustika manik
candrama. Cincin mau bakal menehi kekuwatan marang singnganggo bisa nyilem
ing dhasar samodra. Banjur bratasena takon apa tegesi kayu gung susuhing angin.
Bathara indra mangsuli menawa kayu gung susuhing angin iku pusate ati lan
pikiran.
Banjur bratasena jaluk pamit
marang saklorone lan arep takon maneh marah resi drona kenangapa dikon goleki
kayu gung susuhing angin.
Ing padhepokan bratasena
ngomongke apa kabeh sing wis dilakoni, banjur takon maneh dhawuhe dorna. Resi
dorna mangsuli, menawa sejatine kayu gung susuhing angin mung pasemon supaya
bratasena bisa entuk tirta pawitrasari
kang ana ing samodra minangkalbu.
Bratasena banjur lunga nutugake
laku. Tekan ing pinggir segara sing ra ono watese, ombak kang gedhe lan bledhek
kang nyamber-nyamber, bratasena nyilem ing dhasare samodra. Saperlu nggoleki
tirta pawitrasari. Ing dhasar samodra, bratasena dicegat dening naga kang
gedhene sak uwit tall utawa gebang. Wusanane tarung ora bisa diselaki. Antarane
mati lan urip bratasena akhire iso ngasorake naga mau.
Nanging bratasena banjur ora
eling babar pisan, anane mung peteng ndhedhet sepi tanpo swara. Banjur Dewa
Ruci rawuh, sing wujude memper bratasena nanging mung saepek-epek. Ngalem
bratasena kang iso ngalahake naga sing wis ngalang-alangi niyate bratasena.
Banjur bratasena nyembah dening Dewa Ruci lan takon. Wonten pundi dununging banyu
pawitrasari. Banjur dewa Ruci ngutus bratasena mlebu ing njero ragane dewa ruci
nyawiji karo dewa Ruci. Brata sena rumangsa tentrem, ing kono digambarke pandam pandoming dumadi. Yoiu kabeh ana
pepesthine, manungsa kudu bisa nglakoni hukume alam. Banjur Dewa Ruci ngendika,
tegese kowe wis bisa mudheng bekti marang gusti kang maha agung, lan aja kaget
karo cahya kang werno werni amargo atimu kang suci.
Sawetara kuwi, ing sokalima
permadi lapuran marang resi dorna yen brata sena durung bali. Banjur dorna
nusul bratasena ing pinggir segara. Banjur nemokake bratasena kang lagi
gumlethak ing pinggir segara.
Tidak ada komentar:
Posting Komentar