GEGURITAN

AWAN IKI

Awan iki ora kaya adat saben

Awan iki beda saka biasane

Awan iki dudu awan sing uwis-uwis

Awan iki awan sing ora tak karepke

Awan iki dudu pepinginanku

Awan iki

Awan iki

Awan iki

                Oh.....

KEBACUT

Seneng dadi selawase

Jalaran ati wis kebacut

Kepincut marang karep

Kasep dadi angen-angen

Wis kedlarung karem sepisan-pisan ora

Mrasuk nyawiji karo nyawa

Ora kena selak kamangka

Pinesthi ora mesthi dimangerteni

Sapadha-padha titah sawantah

Urip kari nglakoni ora ana kang jalari

Amarga kabeh wis dadi

Kebacut mesthi nglakoni

Endhanana nanging mesthi

JAMAN

Ora salah yen maju

Ora kleru yen lumayu

Tak belani yen ora dho ngaku

Njajal kojahna omongmu

Marang katrangan-katrangan tanpa iku

Sakonyong-kongyong ngomong

Saparan-paran ngomyang

Sawayah-wayah kojah

Karep-karepmu salahe dhewe

Lakuning jaman tandhane percaya

Undhuhane wong kang nganggo ngelmu

Unggah-unggah mungguhing sujarah

Jamanmu jamanku, jamanku jamanmu

Dudu jamanmu jamanmu, jamanku jamanku

Sapa sing arep nglakoni?